A RC Deportivo Fundación concluíu a súa axenda internacional en Bosnia e Herzegovina dentro do marco do programa Erasmus+, reforzando vínculos con clubs e institucións do país.Para pechar esta expedición, a delegación deportivista, integrada por Álex Espiñeira, coordinador de proxectos internacionais, e Laura Mella, adestradora da RC Deportivo Fundación, visitou as instalacións do FK Velez Mostar, entidade que compite na máxima categoría do fútbol bosníaco.Durante a visita, o club local mostrou o seu modelo de traballo e as súas instalacións, e os representantes branquiazuis tiveron ademais a oportunidade de asistir a un partido de liga.Desde a RC Deportivo Fundación queremos agradecer a hospitalidade e predisposición mostrada polo FK Velez Mostar, así como a oportunidade de intercambiar coñecementos e experiencias nunha contorna profesional.Este tipo de encontros pon o broche final a unha expedición moi enriquecedora, fortalecendo a cooperación internacional e o intercambio de boas prácticas dentro do ámbito deportivo.