TEUN GIJSELHART, NA SÚA PRESENTACIÓN, FALA DO DÉPOR COMO "UN PROXECTO MOI BO" E DEFÍNEO COMO "UN GRAN CLUB, CUNHA GRAN HISTORIA"

Teun Gijselhart (Ámsterdam, Países Baixos, 6 de abril de 2005) foi presentado este mediodía como novo xogador do Dépor até xuño de 2030.En primeiro lugar, o futbolista neerlandés posou para os medios gráficos no campo Arsenio Iglesias coa súa nova camiseta, acompañado por Fernando Soriano.

Xa na sala de prensa, o Director de Fútbol blanquiazul destacou sobre "Toni, para nós" que "pode xogar de 6, de 8. Vén para complementar esa zona. É un xogador de calidade, de fútbol holandés, con esas características técnicas e físicas que vemos nese perfil de xogadores".Pola súa banda, Teun asegura que "dende o primeiro día me sentín moi ben, moi orgulloso de estar aquí. A primeira semana de adestramentos foi moi boa, moi positiva. Grazas aos meus compañeiros e ao corpo técnico porque me recibiron moi ben".Asegura poder achegar "intensidade, recuperar balóns e participar na construción do xogo".

Gijselhart, que falou nun bo castelán, confesa que "miña nai estudou en Salamanca e grazas a ela tiven o primeiro contacto coa lingua. Empecei a aprender porque sempre tiven na cabeza que algún día me gustaría xogar ao fútbol en España. E aquí estou".Ve no Dépor "un proxecto moi bo, con xente nova como Mario Soriano. Todos están cómodos co balón. É un gran club, cunha gran historia, cunha gran afección". "A cidade é moi bonita, síntome moi cómodo. Está todo moi ben", engadiu.Finalmente promete "dalo todo por este club; e aprender, seguir mellorando non só como futbolista senón tamén como persoa".