TRABALLO ESTE XOVES 13 DE RECUPERACIÓN E POSPARTIDO PARA O DÉPOR, XA RUMBO AO DEBUT LIGUEIRO DO LUNS 17 EN ABANCA-RIAZOR ANTE O ELCHE CF

Xoves de recuperación e traballo pospartido para Os Nosos no Dépor Training Center este 13 de agosto.Así, os titulares ante o Real Madrid na 81ª edición do Trofeo Teresa Herrera tiveron unha xornada de recuperación física, con ximnasio e fisioterapia.Neste grupo formou parte Diego Villares, que relevou a Noé no minuto 22. O canteirán sofre un escordo no nocello esquerdo.Para o resto do cadro a sesión foi de alta intensidade, con xogo de posición, finalizacións e fútbol reducido.

Altimira, Yeremay e Asp Jensen continúan co seu regreso progresivo ao traballo de grupo mentres que Kevin foi o representante de ANOSACANTEIRA.Rematada a pretemporada, o Dépor pon desde este venres 14 de agosto ás 10:30 rumbo ao debut ligueiro do luns 17 de agosto ás 21:00 en ABANCA-RIAZOR ante o Elche CF.